పది సంవత్సరాలు రాజశేఖర్ వేచిన విజయం "గరుడ వేగ"

 ప్రవీణ్ సత్తార్ దర్శకత్వంలో డా. రాజశేఖర్ నటించిన "గరుడ వేగ" మంచి పాజిటివ్ టాక్ తో కలెక్షన్స్ రాబడుతోంది. పది సంవత్సరాల క్రితం వచ్చిన "ఎవడైతే నాకేంటి" కమర్షియల్ విజయం తరువాత ఇప్పటి వరకు సరైన విజయం దక్కలేదు రాజశేఖర్ కు. సినీ రంగ పరంగానే కాకుండా, రాజకీయంగా, సామాజికంగా ఎన్నో ఒడిదుడుకులు ఎదుర్కొన్నారు రాజశేఖర్ ఈ మద్య కాలంలో. ఇటీవలనే తల్లి చనిపోవడం మరి కొన్ని అనవసర వివాదాలతో సతమతమౌతున్న రాజశేఖర్ కు, అతని కుటుంబానికి ఇది అద్భుతమైన వుత్సాహాన్ని ఇస్తున్న విజయం. ఇది పూర్తిగా దర్శకుడు ప్రవీణ్ సత్తార్ క్రెడిటేనంటున్నారు పరిస్రమ పెద్దలు. రాజశేఖర్ స్థాయికి మించిన బడ్జెట్ పెట్టి, మళ్ళీ అప్పటి యాంగ్రి హీరొ ఇమేజ్ ను పునరుద్దరించారని మెచ్చుకుంటున్నారు. ఎన్ ఐ ఏ ఏజెంట్ గా తన స్టైల్ నటనతో, యువ హీరోలా పరిస్రమించి పాత్రకు న్యాయం చేకూర్చారు రాజశేఖర్. ఈ చిత్రం రాజశేఖర్ సెకండ్ ఇన్నింగ్స్ కు నాంది గా ప్రస్థావిస్తున్నారు.