అద్దాలమేడలు - సినిమా జీవితాలు

ప్రశాంతంగావున్న వాతావరణంలోనే తన వ్యాఖ్యలతో ప్రకంపనలు సృష్టించే రాంగోపాల్ వర్మ ఇలాంటి సమయంలో నిశ్శబ్దంగా ఎలా వుంటాడు. ట్వీటాడు.. ఆబ్కారిశాఖని టార్గెట్ చేసుకుని ట్వీటాడు....వివాదాలు చెలరేగేలా ట్వీటాడు. 'సినిమావాళ్ళను విచారిస్తున్నట్లుగా విద్యార్ధులను కూడా విచారిస్తారా? సినిమా టీజర్ లా పేర్లు లీక్ లు చేస్తున్నారా?  అకున్ సబర్వాల్ ని పెట్టి బాహుబలి3 తీయాలా?' ఇలా...  విచారణ సంస్థ మీద ఈ తరహా వ్యాఖ్యలను "మా"అసోసియేషన్ కూడా ఖండించింది .ఆ శాఖ సంబందిత వ్యక్తులు వర్మమీద కేసులు వేయడానికి రంగం సిద్దం చేసుకుంటున్నారు. అయినా వర్మకు కేసులు కొత్త కాదనుకోండి. సినిమా వాళ్ళనే ఎందుకు టార్గెట్ చేస్స్తున్నారు అని పరిశ్రమ వాళ్ళు కొందరు ఇలానే అడుగుతున్నారు.  సినిమా అంటేనే అంత.  అదో వ్యామోహం మనకు . అదో పిచ్చిఇంకేందరికొ.. ! మంచి అయినా, చెడు అయినా ఇక్కడున్న క్రేజ్ మరెక్కడా రాదు. పువ్వులు వేసిన చేతులే రాళ్ళు వేస్తాయి. గుళ్ళు కట్టిన వాళ్ళే కూల్చేస్తారు. స్టార్ డం ఇక్కడ శాశ్వతం కాదు అన్న. అప్రమత్తతో, క్రమశిక్షణతో వున్న వాళ్ళే ఎక్కువకాలం పయనిస్తారు, విజయాలను ఆస్వాదిస్తారు. సినిమా వాళ్ళ జీవితాలు 'అద్దాల మేడ 'లు అని  కీ. దాసరి నారాయణ రావు ఎప్పుడో సినిమా తీసి చూపించారు. ఇన్ని రంగుల అందాల ప్రపంచం ఒక్క గులక రాయి దెబ్బకు బీటలు వారుతుంది. ఈ గ్రహణం త్వరలోనే వీడిపోతుందని,మంచి ముత్యంలా ఈ వ్యవహారం నుండి తెలుగు సినిమా  బయటపడుతుందని తెలుగు సినిమా ప్రేక్షకులుగా మనం ఆశిద్దాం. ఇంకొ ముఖ్య విషయం మరిచి పోయాం.ఈ 'మత్తు ' వ్యవహారం వెలుగు చూసిననాటినుండి ఒక వ్యక్తి పేరు బయటకు వస్తుందని చాలా మంది వూహించారు. ఆయనే రాం గోపాల్ వర్మ. ఎవరేం అనుకున్నా తనకునచ్చినట్లు బతకడం, విలాసజీవితానికి కేరాఫ్ అడ్రస్ అవ్వడం, ముంబయ్ చిత్ర పరిశ్రమతో దగ్గరి సంబందాలు వుండడం ఈ వూహగానాలకు కారణం. ఈ జాబితాలొ ఆయన శిష్యులు వుండడం కొసమెరుపు.