ప్రపంచాన్నిఉర్రూతలూగించే వినోద సాధనాలలో సినిమాదే అగ్రతాంబూలం. మన దేశంలో, అందులోను దక్షిణాదిలో దీని ప్రభావం మరింత ఎక్కువ. సినీతారలను కుటుంబసబ్యులకంటే ఎక్కువగా ప్రేమించడం, దేవతలుగా గుళ్ళు కట్టి పూజించడం, వారికి ఏ చిన్న హాని జరిగిన మనస్తాపంతో ఆత్మార్పణలు చేయడం వంటి ఘటనలు సర్వసాధారణం. సినీరంగానికి చెందినవారు ముఖ్యమంత్రులు, మంత్రులు మరియు ఇతర పాలనా పదవులు చేపట్టిన ఘటనలు కోకొల్లలు. వారి జన్మదిన వేడుకలలో రక్తదానాలు, అన్నదానాలు, పాలాభిషేకాలకు కొదువేలేదు. సినీతారల కనుసైగలతో దశాబ్దాల రాజకీయ ఘన చరిత్రలు గల పార్టీలు కూడా గల్లంతు అవుతాయి. అది సినిమా రంగానికి ఉన్న శక్తి, ఆకర్షణ. అందుకే యువత ఈ రంగంలో "ఒక్క ఛాన్స్.... ఒకే ఒక్క ఛాన్స్...నేనేంటో నిరూపించుకుంటాను" అంటూ వెర్రెత్తిపోతుంటారు. టీవీ, ఇంటర్నెట్ ప్రసారాలు వంటివి ఎంత విస్కృతమైనా సినిమారంగానికి ఉన్న ప్రత్యేకత వేరు. గతంలో దక్షిణాది సినిమా అంటే తమిళ చిత్ర పరిశ్రమ మాత్రమే అన్న అభిప్రాయ నీడల నుండి నెమ్మదిగా బయటపడి "టాలివుడ్" గా తనకంటూ ఒక ప్రత్యేక స్థానాన్ని సంపాదించుకుంది తెలుగు చిత్రసీమ. "బాహుబలి" చిత్రాలతో ప్రపంచ సినిమారంగమే మన వైపు ఆశ్చర్యపడి చూస్తుంటే.... తెలుగు ప్రేక్షకులుగా ఎంతో గర్విస్తున్నాం. ఇంతలోనే డ్రగ్స్ మాఫియా ఉదంతం ఆనందాన్ని ఆవిర్లు చేసింది. పరిపాలించే నాయకులు, అబిమానించే సినీతారలు వాస్తవంగా కూడా ఆదర్శంగా ఉండాలని సగటు ప్రజలు కోరుకుంటారు. ఈ వ్యవహారంలో ఇరుక్కున్నది అతి కొద్దిమంది మాత్రమే అయినా మొత్తం తెలుగు చిత్రపరిశ్రమ ఈ అపవాదును మోయవలసి వస్తుంది. ఇప్పటికే "మా అసోసియేషన్" దీనిపై తీవ్రంగా స్పందించింది. ఇంతటితో సరిపుచ్చకుండా ఎటువంటి ప్రలోభాలకు, ఒత్తిళ్లకు లొంగకుండా ఈ వ్యవహారంతో సంబంధం ఉన్నవారు ఎంతటివారు అయినా వారిపై నిషేధం విదించి తెలుగు సినీ పరిశ్రమను రక్షించాల్సిన బాధ్యత వారిపై ఉంది. ఈ చీకట్లను త్వరలోనే చేదించుకుని మన తెలుగు తెర అంతర్జాతీయంగా మళ్ళి వెలుగులీనుతుందని ఆశిద్దాం.
14, జులై 2017, శుక్రవారం
దీనికి సబ్స్క్రయిబ్ చేయి:
కామెంట్లను పోస్ట్ చేయి (Atom)
"ఖాకి" తో కార్తి ఖాతాలో మంచి విజయం
కాలంతో సంబందం లేకుండా సినిమాలకు మంచి విజయాలను అందిస్తున్న వాటిలో "పోలీస్" సబ్జెక్ట్ ఎవర్ గ్రీన్. అన్నయ్య సూర్య "సింగం&quo...
-
కాలంతో సంబందం లేకుండా సినిమాలకు మంచి విజయాలను అందిస్తున్న వాటిలో "పోలీస్" సబ్జెక్ట్ ఎవర్ గ్రీన్. అన్నయ్య సూర్య "సింగం&quo...
-
భలే భలే మగాడివోయ్, కృష్ణ గాడి వీర ప్రేమ గాధ, జెంటిల్ మెన్, మజ్ను, నేను లోకల్ - ఇప్పుడు 'నిన్ను కోరి ' తో 6 వ విజయం తన ఖాతా లో...
-
2000 సంవత్సరంలో చిత్ర పరిశ్రమకు పరిచయమైన సునీల్ దాదాపు దశాబ్దం పాటు హాస్య చక్రవర్తిగా ఒక వెలుగు వెలిగాడు. పరిశ్రమకు వచ్చిన సంవత్సర కాలానిక...
కామెంట్లు లేవు:
కామెంట్ను పోస్ట్ చేయండి